Chiarina.
(sorpresa) Ermelinda!.. (si abbracciano e si baciano; tatti sono commossi).
Ermelinda.
A vuie mò, zi Luci., (abbracciandola)
Lucia.
Cu tutt’ ’o core, nqpota mia... (si baciano)
Ermelinda.
(con dolcezza ad Antonio) E., vuie comme state, zi Totò?.
Antonio.
(sorride ma commosso) Comme me vide...
Ermelinda.
(insinuante) E., me permettete 'e ve bacià "a mano?.. (Ant. scrolla le spalle) Vuie vulite fa ’o sostenuto, ma tenite ’o core chiù bello ’e ll'ate!
Adolfo.
(commosso, sì é mantenuto un pò da parte, a Ernv) E pò... vuie che nce trasite dint’ ’e quistione 'e famiglia?..
Ermelinda.
Guè, Adò, te stive annascuso ’a Uà dereto... Viene ccà, dà na stretta ’e mano forte forte 'a cuginetta toia... e levammo stu vuie ’a miezo... che diavolo!.. simmo o nun simmo cugine?..
Adolfo.
(commosso, le stringe la mano) Te pare...
Nenè.
Ermelì, io so’ l’ultimo d’ ’a società, pe me nun nce stà niente?
Ermelinda.
Te pare, nu cugino accussi buono e affezionato commette... E cu tutto ca ’e cunfiette t’’e mangiaste sulo sulo ’a parte ’e Caserta, pure a te, na bella stretta ’e mano...
