- Responneva de botto accossì Tirzede.
Coredone
O Ninfe ammore nuosto, che ’n Beozea
State, o a mme comme a Cotro vierze nobele
Nfrucecate (a ffa vierze chist’a Apollene
Ss’accosta assaje), o si non pò chest’essere,
De chesta pigna sacra appesa all’arvolo
Sta zampogna farrà lo sagliepennola.
Tirze
No poeta, che cresce, o de ll’Arcadea
Pasture ncoronate co la lellera,
Azzocchè Cotro schiatta pe la mmideja,
se le vene ’n capo de laudareme
Cchiù de chello se deve, ntorcigliateme
Le chiocche attuorno attuorno co le baccare
Azzò chi è mala lengua non mentosseca
Chillo ch’ha da rese! poeta ottemo.
Coredone
A tte, che si patrona de ste ssireve
Deia, sta capo de puorco sarvateco
Micone peccerillo presenta, e offere
Co ste ccorna de ciervo: e sacce, Delia,
Si sto designo cornine stà ’n capo, resceme,
Ntaglià de marmo te faccio na statola,
Ch’aggia le ccauze rosse, e li pantuofane.
Tirze
Priapo se da me sulo no caccavo
Aje avuto nfi a mmo, na pizza rusteca,
Agge pacienzeja, pocca de no povero
Uórto si guardejà, de preta marmora
T’aggio fatto na statoa, si le ppecore
