Paggena:Opere inedite di varj autori - Tomo I (1789).djvu/247

'A Wikisource.
Chesta paggena è stata leggiuta.
237
Ecloga I.

O che se ll’attaccasse
La rogna de le ppecore vecine.
Tu ntra sti sciumme, e ffuonte
Te stennicchie a lo ffrisco, e faje allizze,
E la sepa de cheste mmassarie,
Che sempe chiena stace d’addoruse
E varie sciure de viole, e mmorole,
Te recreja lo spireto,
E ll’Ape, che le zucano,
Fanno pe l’aria no cierto nzurrito,
Che t’è a ddormì no nvito.
No ciardeniero museco ccà ncoppa,
Potanno de li chiuppe
Li ramme, cimme, e cuolle,
N’aria te fa sentì co li bemolle.
Nè co boce abbrocata li palumme
(Che te songo na cura)
Nè cesserà la tortora ’ntratanto
Ncoppa n’urmo lo riepeto, e lo chianto.

Titero

Primmo dinto a le nnuvole li cierve
Pascoleiarranno fieno,
E ghiettarrà li pisce
Lo maro ’n terra, e mmagnarrano prato.
Abbeverarse all’Araro li Parte
Primmo se vedarranno, e a capeculo
Li Tudische a lo Tigro, che la faccia
De chillo da lo pietto mio se scaccia.

Melibeo

Ma nuie da ccà jarrimmo parte ’nn Afreca,

E