Da sti campe sfrattammo,
Tu a sta frescura senza pensà a gguaje
Co’ belle gargarisme e barie trille
Mmizze a ste ssirve a reprecà Amarille.
Titero
O Melibeo, no cierto Ddio nce ha dato
Chisto spasso, recrìo, e stennecchiamiento;
Isso ’n perpetuo mme sarrà no Ddio,
E ncoppa a cchilio autaro sulo a isso
Co n’ajeniello spisso
De cheste mmandre meje
Sacrefecà farraggio: isso chili’eje,
Che mm’ha dato licienzeia, che ste bacche
Vagano pe ccà ntuorno, comme vide,
E che piolejando sta zampogna
Cantasse sempe, e mme pigliasse gusto
Comme li quatto fossero d’Austo.
Melibeo.
Mmideia non aggio, rest’ammisso sulo,
Pocca nuie autre senz’aspettà Maggio
Stammo tutte a rrevuoto
Co ccacavesse, e ’n moto,
Ca chi no sfratta da le mmassarie
Nce sò li sbirre co lo capeato:
Eccote mò io povero malato,
Votto nnante lontano cheste ccrape,
E mme carrejo ’n cuollo
Chesta, che mò ccà ’n miezo a ccheste mmacchie
Figliate ha dì crapette,
Puntelle de la greggia,
Senza vammana, o seggia
E
