Chesta paggena nun è stata leggiuta.
PIEREROTTA
Se n è passata tutta na staggione
e dice sempe ’o stesso, comme arrivo:
n Tu nun m’ è scritto manco na canzone! n
No! E nun t’ a scrivo. Comme vuò c’ ascrivo?
Una ne sento,.. E me fa ’mpressione...
Pure si a cante tu... mme fa currivo.
Pè chi è muorto e chi sta nnanz o cannone,
me mette scuorno ca so’ ancora vivo...
E nun me faccio a ssentere... Nun voglio
ca ’nu surdato, ’o fronte, scasualmente
trova ’a canzona mia liggenno ’o foglio...
’O ssaccio ca, liggennola, se schianta...
E nun voglio che dice: Tiene mente...
1’ cumbattenno moro... E chillo... canta!
