Paggena:Nuove poesie - Rocco Galdieri.djvu/17

'A Wikisource.
Chesta paggena è stata leggiuta du' vote e mo è fernuta.

CUNZIGLIE


Va p’ ’a strata ca vuò comme t’ ’a siente
e nun venì a du me pe’ nu cunziglio.
Tu, doppicciò ca mme sarrisse figlio,
me sentarrisse senza farne niente.

L’ommo che tene quacche passione
è ’nu mbriaco. E maie ’nu ’mbriacone,
vìppeto, ha ditto ’nfaccia a o canteniere:
— Patrò, m’ ’o faccio o no n’atu bicchiere?