Chesta paggena nun è stata leggiuta.
SCAMPAGNATA
Vogl’ i ncampagna c’ ’a Morte!
M’ a faccio assetta a tavula cu' mmico.
Mangio! Ch’è, nun mangiavo? I’, benedico,
tengo nu stommaco forte!
’O vermiciello, ’o crapetto,
’o fritto ’e pesce... e doppo – addo’ ce azzecca
’o bicchierello – ’a noce e ’a ficusecca...
Se n’ha da i’ nu peretto!
Voglio sta allero e cuntento,
ca nun ce abbado si mangiammo ’nzieme.
Le voglio fà avvedè ca nun me preme
ch’è tutt’essa a ’stu mumento!
