Felice, e dette poi Mariella
Felice — (Di dentro). È permesso?
Concettella — Ah! lo vi ccà... (p. a. Mariella la trattiene). Lasseme Mariè, voglio revotà la casa, voglio fa fa li vigliette.
Mariella — No, usa prudenza., scanagliammo, vedimmo meglio la cosa, e po* te regolarraje comme meglio te piace, viene co me, mo te porto dinta a n’auta cammera.
Concettella — Ma...
Mariella — Siente a me, viene, che la gatta pe ghi de pressa, facette li figlie cecate... viene (viano; prima porta a dritta).
Felice — (Uscendo). È permesso?... No, la verità ccà fanno a fecozze pe venirme a ricevere. Abbascio a lo portone non nce steva nisciuno, la porta 1 aggio trovata spaparanzata, traso dinto a la prima cammera, steva oscura, camm'no e tozzo co lo fronte nfaccia a no stipo... ic Faggio ditto che senza lente non pozzo fa niente, papà m a voluto fa veni senza lente.
Mariella — L’aggio chiusa da dinto, la verità, non volarria che succedesse no guajo dinto ala casa (vede Felice). Chi è?
Felice — Sono io, Felice Sciosciammocca, figlio di D. Alessio, nipote di D. Timoteo, fidanzato di D...
Mariella — Va buono, va buono, aggio capito, site lo sposo? (Che assassino!)
Felice — Sissignore. ( È na femmena, non saccio si è giovene, o è vecchia).
Mariella — Vi quanto è bello, me pare mamozio, favorite, vaco avvisà la patrona.
Felice — Grazie.
Mariella — Guardate Uà, me pare na r aperta! (via a sinistra).
Felice — Vuole che aspetto quà... vuole che aspetto quà.. Cguardando). Ah! chella se n è ghiuta. Sta cammera sta pure quase oscura. Io sto ccà e non lo credo; scap
