Chesta paggena è stata leggiuta du' vote e mo è fernuta.
— 37 —
quatto o cinco spantecate
ca se guardano sott'uocchio
e so' tutte nnammurate,
e da coppa, tutt''o vico,
affacciate a li ffeneste,
fanno 'a criteca d''e vveste.
-Chillo basso d'urganzina!
-Guarda llà chillo nastrino!
-Guarda chella pagliettina!
-Uh, Giesù! Ma chelli ppenne!
-Uh, Giesù, chella carcassa!
-Vuie vedite che se passa!
-Addò vanno? Vanno a messa?
-Vanno forze 'a passiggiata?
-Vide llà che pagliacciata!...
⁂
E accussì passano 'e juorne,
passa ll'anno sano sano,
cuffianno 'a copp''a mano
chelle 'e ll'urdemo piano.
