Chesta paggena è stata leggiuta du' vote e mo è fernuta.
- — 34 —
guarda 'ncielo, guarda 'nterra,
po' suspira, se stingina,
e fa 'a santa-miserina.
Neh, che vonno? Neh, che fanno?
Neh, ma 'ncapo che ll'avota?
Pe ssapè, chi 'e sta guardanno?
Ma s''o ppenzano allicchette!
Basta c'uno, stratto 'e mente,
pe nu poco 'e ttene mente,
bonanotte! Vo' fa 'ammore!
'A cchiù grossa corre dinto,
schiaffa pòvere a vapore
ncopp'a chillo musso astrinto,
e po' torna nfarenata,
cu na mossa appassiunata.
Tutta nocche e nucchetelle,
'a seconda po' s'affaccia
cu nu naso 'e cane 'e caccia,
