Chesta paggena è stata leggiuta du' vote e mo è fernuta.
- — 23 —
- Alla scelda! Combrate! A buoni prezze!
Tengo tutta 'a cchiù meglia mercanzia!
Sapone fino a quatte solde 'o pezze!
Fa cuncurrenzia a tutte, 'a rrobba mia!
Lacce 'e curzè cu 'e funicelle a ttrezze,
portafoglie di pella burgarìa,
piettene fine... Avande! a buoni prezze!...
So' 'e tartaruca!... Nun è cuntarìa!
Po' tengo pure na duzzina... Jammo!...
Meza lira... Furtezza e cunzistenza!
V''e ccarantesco... So' comm''o llignammo!
Surtanto c''o curtiello 'e ppuò taglià!
Cumbrate!.. E non si teme cuncurrenza!
Se sta sicure... e se po' pazzïà!
