Sulo, ’ncampagna, e pazzo, aggio alluccato;
aggio tuzzuliato a tutt’ ’e pporte;
a ogn’ angolo de via t’ aggio chiammato!
« Addò stai?... Vuò turnà?... Strillavo forte...
E l’eco rispunneva e po’ fermava...
Tutto, era, attuorno a me, silenzio ’e morte!...
E chisto core mio cchiù sparpetava;
e ’a vocca mia cchiù secca se faceva;
e ’a voce mia, cchiù scesa, me mancava...
’A vita stessa mia, malediceva
St’anema mîa cchiù fauza e cchiù dannata;
e na guerra, int’ a mme, se cumbatteva!
« Ah, quanto stai luntana, Addulurata !
E quanto, addulurata overamente,
dint’a stu core mio tu si’ restata! »
« Apreme ’o pietto e guarda ’e sentimente,
tu, ca crudele comm’ a na mpechera,
mo’ te ricuse, pe na cosa ’e niente! »
« Guardela ’nfunno, st’ anema sincera!
Guardelo ’nfunno, chisto core afflitto !...
Perdona e torna! ’A vita è troppo nera! »
Paggena:Montecassino - Ferdinando Russo.djvu/45
Chesta paggena nun è stata leggiuta.
- 43 -
