Paggena:Montecassino - Ferdinando Russo.djvu/21

- 19 -

— 19 —
E ricurdava ’e juorne belle ’e festa,
quanno, pe na risata o na parola,
sguigliava comm’ ’a rosa dint’ ’a testa;
e ricurdava eh’ era stata ’a scola
de tutt’ ’e ppeggie cose sulamente,
senza scurdaresenne una ! Una sola !
E quanno, mmiezo a tanta sentimente
na sorda voce Ile rimpruverava
amara amara, ’e ccose malamente,
isso redeva, e peggio seguitava,
e, comm’ a nu pullitro int’ ’a campagna,
cchiù s’ ustinava, e cchiù scapuliava I
Mo’, sulo e tristo, mmiezo a sta muntagna,
sferzato ’a ll’ acqua, turmentato e afflitto,
vede 1’ abbisso ’e st’ anema sulagna...
San Beneditto mio, San Beneditto 1
Si tu sapisse comme so’ cagnato
e quanta cose, senza dì, m’ ’e ditto,
tu penzarrisse ca stu scunzulato,
c’ avette pene e sufferenzie ’e morte,
meretarria d’ essere perdunato !