Gaet. (entrando dal giardino). Ma pozzo mai credere che lu princepe se nnammurava de Bettina?
Viciè.. Nce avite fi a credere, eccellenza, pecche i0 ne songo cchiù che certo. Mò che so’ benuto cu la guantiera e li tazze, l’aggio truvate tutte e duie a stu pizzo ccà. Lu principe steva cu li minane accussi, vicino a Bettina, e le diceva: Bettina mia, se è cosi... se mi hai detto la verità...
Gaet. E che era sia verità?
Viciè.. E che ne saccio?... Ma io sospetto na cosa, lu princepe se credeva che io Pera marito, e Bettina forse le steva dicenno ca no...
Gaet. Ah, sicuro... E mò addò so’ghiute?
Viciè.. E chi ne sape niente, eccellenza!
Gaet. Basta, nun te n* incarricà, se lu vede essa!... Chillo è nzurato, e Bettina se po’ pure ncuità cu la princepessa.
Viciè.. E se capisce, cavaliere eccellenza!... E io perciò ve l’aggio ditto... E pure ’o princepe se po’ ncuità cu lu marito de Bettina.
Gaet. Comme?!... Bettina è mmaretata?
Viciè.. Sissignore.... Ah, vuie nun sapite niente?
Gaet. No!
Viciè.. Già... Bettina è mmaretata, ma sta spartuta da lu marito.... Ma chesto nun bo’ dicere niente, pecchè da nu mumento a n’auto, appuranno lu fatto de lu princepe.
Gaet. Se capisce....
Viciè.. Ianto cchiù che Bettina tene pure nu figlio.
Gaet. Nu figlio?
