Chesta paggena è stata leggiuta.
73
miseria e nobiltà
Fel. Basta che se magna!.. Nun ve n’incarricate de lu riesto.
Eug. D. Felì, ma badate di non dire tante bestialità! Il fegato, il polmone, la milza!... Che nc’entrava tutto questo?
Fel.. Che volete da me?... Riguardo alla malattia, io non aveva che dicere.
Luig. (dal giardino) Neh, signori miei!... Che vedo! Pupella!.. La madre!..
Pup. D. Luigino!.. E comme state ccà?
Luig. Come?!... Io sono il padrone di casa, bellezza mia!...
Pup. Ah! benissimo.
Luig. E siete voi che avete fatta la finzione? Oh! che piacere!... Allora putimmo sta sempe vicino, bellezza mia! (l’abbraccia).
Pasc.Amico!... Io so’ lu patre, sapete!...
Luig. Ah! voi siete il padre? Benissimo!... Io so’ venuto in casa vostra stammatina, e non v’ho trovato...
Sappiate che io amo vostra figlia, e me la voglio sposare.
Pasc.Va bene!... Ma mo’ nun putimmo penzà a chesto!
Gem. E se capisce!... Dimane se ne parla. Pe mo’, Luigi, vattenne!
Luig. Me ne vaco?..E quanno faccio pace cu papà?
Gem. Sa che buo’ fa? Mò che nce jammo a mettere a tavola, tu te presiente cu na barzelletta, e vide che fernesce tutte cose.
Fel. Signori miei, lasciatece mettere primma a ttavola!
Luig. Va bene, così farò, bellezza mia. Pupè, statte
