Vai al contenuto

Paggena:Lo cunto de li cunte - Tomo I.djvu/162

'A Wikisource.
Chesta paggena nun è stata leggiuta.
162
Trattenimiento I.

de lo 'ngiegno loro a lo defietto de le pparole meje.

Era na vota na femmena prena chiammata Pascaddozia, la quale affacciatase a na fenestra, che sboccava a no ciardino de n’Orca, vedde no bello quatro de petrosine, de lo quale le venne tanto golio, che se senteva ascevolire, tanto che non potenno resistere, abistato quanno scette l’Orca, nne cogliette na vrancata. Ma tornata l’Orca a la casa, e volenno fare la fauza, s’addonaje, ca 'nc’era menata la fauce, e ddisse: Me se pozza scatenare lo cuollo, si nce mmatto sto maneco d’ancino, e non ne lo faccio pentire, azzò se 'mpara ogne une a mmagnare a lo tagliero sujo, e no scocchiariare pe le ppignate d’autro. Ma continoanno la povera prena a rrescennere all’uorto, nce fu na matina 'mmattuta da l’Orca, la quale tutta arraggiata, e 'nfelecata le disse: Aggiote 'ncappata, latra, mariola? E che nne paghe lo pesone de st’uorto, che biene co ttanta poca descrizione a zeppoliarene l’erve meje? Affè ca non te mannarraggio a Rroma pe ppenetenzia. Pascaddozia nnegrecata commenzaje a scusarese, decenno, ca non pe ccannarizia, o lopa ch’avesse 'n cuorpo, l’aveva cecato lo Diascance a ffare st’arrore, ma pe d'essere prena, e dobbetava, che la facce de la criatura non nascesse semmenata de Petrosine; anze deveva averele grazia, che non l’avesse mannato quarche agliarulo. Parole vò la zita, (respose ll’Orca) no mme nce pische co sse chiacchiare: Tu aje scomputo lo staglio de la vita, si non prommiette de dareme la criatura, che farraje, o mascolo o