Paggena:Lo cunto de li cunte - Tomo I.djvu/135

135

EGROCA

     E manna a besentierio;
     Tanto che mai non dorme co arrepuoso,
     Non magna mai co gusto.
     Né ride mai de core!
     Li suono, s’isso magna, lo scervellano;
     Li suonne, s’isso dorme, l’atterresceno;
     L’arbascia lo tormenta,
     Comm’auciello de Tizio;
     So le bagianarie l’acque e li frutte.
     Che nce sta nmiezo, e de la famme allanca
     La ragione, nsenziglio de ragione.
     La rota è d’Issione,
     Che maje le dace abbiente;
     Li designo e chimere
     So le prete, che saglie
     Sisefo a la montagna,
     Che, pò, tùffete a bascio!
     Sede a la seggia d’oro
     Mosiata d’avolio,
     Co centrelle naurate;
     Tene sotto a li piede
     Coscine de mbroccato e cataluffo,
     E trappite torchische; ma le pènne
     Na serrecchia appontuta
     Ncoppa la chiricoccola,
     Che la mantene schitto no capillo;
     Tanto che stace sempre ncacavesse.
     Sempre fila sottile ed ha lo jajo,
     Sempre ha la vermenara,
     Sempre lo filatorio, e sempre stace
     Sorriesseto, atterrato;
     E, all’utemo dell’utemo,
     Ste sfastie e ste grannezze
     So tutte ombre e monnezze,
     E no poco de terra,