Paggena:Lo cunto de li cunte - Tomo I.djvu/11

'A Wikisource.
Chesta paggena è stata leggiuta du' vote e mo è fernuta.
11
 

Se 'nmitano a llejere

LO CUNTO DE LI CUNTE

Corrietto da lo Segnore Masillo Reppone

Tutte sciorte d'ujetate co sto

SONETTO

De lo M. R. S. D.


P e spassareve ccà no pocorillo
O peccerille su priesto venite
   Mo, che scorrenno lejere potite
   Pocca corriette l’ha compà Masillo:

E buje giuvene mieie pe no tantillo
   O che state coleriche, o redite,
   Spassareve a sti Cunte potarrite,
   Azzò facciate cchiù de Masto Grillo.

Retrovarrite spasse co gran frutto,
   Non essenno ste cose de verrille,
   Ed averrite guste da pe ttutto.

Leite Viecchie, ca pe buie ste chille
   Lizete songo cchiù; pocca a no mutto
   Io ve trovo perzì pe Ppeccerille.

LO
A 6