Chesta paggena è stata leggiuta du' vote e mo è fernuta.
Venenno nnanza? E fosse 'o Pat'Eterno!
Tu t' 'e vvide cadè da tutt' 'e late!...
Che ssa'!... Te pare ca s'è apierto 'o nfierno,
e si peccate 'e fatte, l' 'e scuntate!
« All'assalto, figlioli! Caricate!... »
E tu te mine nnanza a piglià 'o terno!...
Che ssà! Nc'eramo tutte mbriacate....
S'ha da murì? E murimmo 'zempiterno!
'O ppoco 'e mpressione ca nun manca!
'o cumpagno ferito e scarpesato,
'a puzza, 'e strille... E 'a faccia se fa janca...
Tu tanno t'allicuorde 'e tanta cose!...
Mammeta sola... pateto malato....
E 'o core se fa tanto!...
E nun so' rose,
