ATTO PRIMO
Stanzetta da studio arredata decentemente ma senza lusso. Grande scrivanìa, libreria, scaffali ed altre carte, sedie tappezzate, piccolo tavolo da scrivere per uso di copista. Oggetti da scrittoio, giornali diversi, molle carte stampate sparse sulla scrivania.
SCENA I.
Cesarino — indi Rosina
Cesarino — (seduto al tavolo piccolo, scrive) — Voglio vedè si arrivo a fernì sta regola. Se Ninetta tarda nu poco a turnà a botta è fatta. Sabato piglio o terno — Io stasera 1 ho promesso ’e purtarle il mio ritratto e non voglio mancare di parola. E si vene e vo’ vedè si aggio scritto a sentenza, io che le dico ?... Basta... le dico che m è caduto ’o calamaro ncop a carta e aggio manna a piglià l ata carta bollata. Lasseme avvisa Rosina, m avessa ncuccià ncopp’ ’o fatto... e chi ’a sente a chella (chiama) Rusì ? Rusì ?
Rosina — Signurl che vulite ?
Cesarino — Famme ’o piacere, di a Giuvanne ’o guardaporta d avvisà ’a dint’ o portavoce quanno saglie a signurina, pecchè io nun me vularria fa truvà c’ ’o lardo ncuollo. Tu mo m’è capito ?
Rosina — Aggio capito tutte cose, nun ce penzate ch’è pensiero mio.
Cesarino — A signora vecchia mia suocera che sta facenno?
Rosina — È asciuta nu poco, ha ditto che ghieva a Chiesa e che turnava subeto subeto.
Cesarino — E bebé cu chi è rimasto ?
Rosina — Sta durmenno tanto cuieto, povera criatura.
