Barone s ò sbarcate sta sera ccà ncoppa (via borbottando).
Giacinto — Vi quant e farenella stu servitore.
gelsomina — Tu ’o vide che pure ’o servitore t’à cunusciuto quanto si ciuccio. E comme, io aggia avè ’o scuorno nfaccia pe causa toia. lo che songo na Baronessa.
Giacinto — Barone, sa che t’avviso, nun facimmo jacovelle stasera ccà ncoppa... nun facimmo ridere ’a
gente.
gelsomina — Nfaccia a me dice nun facimmo jacovelle ? A me che songo na signora aristocrateca.
Giacinto — Statte zitto, appila, nun te fa sentì d’ ’a gente, parla comme t’ha fatto mammeta, pecchè si vuò parla pulito dice nu munno ’e ciucciarie.
gelsomina — Io dico ’e ciucciarie? Sa pecchè nun te ceco n uocchio, pecchè stammo ccà ncoppa. Tu si nu cafone ’e Capracotta e vuò mparà a me ?
Giacinto — Sicuramente che te mparo a parla, tu mme mine ogne vongole ’e chesta posta e nun te n’adduone.
gelsomina — Vattè, vattè... Chi me cecaie ’e spusarme stu guaio, aggia passa a figliulanza mia vicino a stu lotene.
Giacinto — Io te l’aggio ditto tanta vote, spartimmoce.
gelsomina — E quanno ? Facimmolo pure mo.
Giacinto — Ma però ’e denare nun t’è dongo senza ’a donazione?
gelsomina — No, chesto t’annozza nganna (seguitano a bisticciarsi).
SCENA III.
Francesco — e detti Totonno (passeggia)
Francesco — Eccomi quà. Bravo. Sempre così, sempre in pace e contenti.
Giacinto — (Ce pare).
Francesco — Giaci, mi hai fatto proprio una sorpresa e nu piacerone di condurre la signora, non mi aspettavo questo onore.
gelsomina — L’onore è sempre mio.
Francesco — Accomodatevi (seggonoGiacinto eGelsomina al divano, Francesco ad una edia) Hai fatto nu tulettone- E perchè t’è puosto sta sciassa, ’a casa mia nun è casa di sciassa » ccà se tratta di una riunione di amici*
