SCENA VI.
Rosina — e detti
Rosina — Signuri, scusate si v addimanno na cosa ! A signora vo sapè si avite posto ’o sale int o raù.
Ninetta — Che bestia! È chisto o mumento d’interrompermi ?
Giacinto — Nule stammo nfaccia ’o codice e tu te ne viene cu ’o sale.
Ninetta — Dincello che nun me ricordo, che nce ne mettesse nu poco (Ros. via poi torna) Dove eravamo rimasti ? Ah ! alla mancanza....
Giacinto — D’ ’o sale int’ ’o ragù.
Ninetta — No, che state dicenno... che ce trase ’o sale. Stavamo alla mancanza... (legge) di accettazione delle parti... E questo non è affare vostro. Vedimmo appresso Art. 1068 (legge). Qualunque donazione fatta per un « futuro matrimonio è senza effetto se il matrimonio non segue o pure è annullato»
Giacinto — Bravo, benissimo ! Si è trovato. Facimmo annulla ’o matrimonio.
Ninetta — E come lo fate annullare? Questo mi pare impossibile !... almeno... che voi non... vi troviate in condizioni tali... da fare annullare il matrimonio.
Giacinto — In condizioni tali... Comme se ntenne ? io nun ve capisco... spiegateve meglio.
Ninetta — Barò, io songo femmena e nun pozzo spiega comme vulite vuie.
Giacinto — Chisto è nu guaio ca vuje site femmena.
Ninetta — Insomma, siete marito ? o non siete manto ?
Giacinto — Queste sò domande curiose, comme non era marito. Allora pecchè veneva a du vuie.
Ninetta — Ma vuje nun capite niente, io che ve pozzo fa.
Rosina — (fuori) Signori, signori, venite nu mumento dinto pecchè a signora ha fatto nu scoquasso, ha fatto azzecca tutte cose ncoppo ’o fuoco.
Ninetta — Ma io sto facenno l’avvocato pozzo penzà ’a robba che sta ncopp’ o fuoco.
Rosina — Signuri, lasciate nu mumento c’ ’o permesso d’ ’o signore, pecchè si nun venite vuie, stammattina nun se magna.
Ninetta — (alzandonsi di fretta) — Auff. Accussi nun po andà avanti, un rimedio s’ha da truvà (da il libro a
Giacinto — ) Barò, permettete nu momento, leggiteve da ccà Sino a ccà, io mo vengo (entra gridando con Rosina poi ritorna)
