- 48 —
Petr. Non ce rimmedio.
Dot. Ma tu te vnò arreposà nu poco?
Giac. Si, no poco d’arsepuoso è necessario comme a lu pane. Ah! chi se credeva d’essero tanto felice; e tu Celesti statte de buono umore, non ave appaura ca mo vene lu bello tujo, e sarraje cuntenta: (via con Dor.)
Petr. Tu vide chillo birbantieilo, s1 ave vippeto V auto nesto de la butteglia, a me lo volevo vevere io, me levava pe lo meno trentenne da cuollo; poteva rinnovi la dom anda de la mano de Celestina, pecchè io co trentenne mancante sarria no bello giovene, assaje chiù de Nicola, che alla fine vota e gira, non è avuto che no pacchiano, mentr’ io sarria galante, no poco che me spezzarria. Signorina di qua, Madamigella di là... Madama vuol ballare... insomma io sarei il secondo D. Giovanni. (via pavoneggiandosi>
Ce/es. Tu vide comme se cianciea, sto cancaro de viecchio, ma nfunno pò è nu buon’ommo, e durante la mancanza de Giacomino, e Nicola, ave fatto assaje pe nuje. Ma a proposeto, D. Nicolino non è venuto ancora, e bravo, se vede la premura che tene pe me, nvece de correre a lengua nganna p’ arrivà primma de fraterne, se fà aspettà; lo voglio accuncià io.
Scena IV.
Nicola, e Detta.
Me. (di dentro) Allegrezza, allegrezza, non chiù guaje, non chiù miseria, ( fuori, e vedendo l’indifferenza di Celestina). E cattivo tiempo? Celesti?
Celes. [tossendo) Ah, ah, ah, vi che catarro che aggio pigliato.
