Chesta paggena è stata leggiuta du' vote e mo è fernuta.
Catarì
Canzone Appassiunata
1.
Marzo: nu poco chiove
e n’ato ppoco stracqua:
torna a cchiòvere, schiove;
ride ’o sole cu ll’acqua..
2.
Mo nu cielo celeste,
mo n’aria cupa e nera;
mo d’ ’o vierno ’e tempeste,
mo n’aria ’e Primmavera.
3.
N’auciello freddigliuso
aspetta ch’esce ’o sole;
ncopp’ ’o terreno nfuso
suspirano ’e viole…
4.
Catarì, che vuò cchiù?
Ntiènneme, core mio!
Marzo, tu ’o ssaie, si’ tu,
e st’auciello songo io.
S. di Giacomo
Edizione F. Bideri
