Paggena:Canzone e Ariette nove.djvu/98

'A Wikisource.
Jump to navigation Jump to search
Chesta paggena è stata leggiuta du' vote e mo è fernuta.
88
ariette nove

Che fa?.....

Che fa - quann’overo ’a vuo’ bene -
     si chella ca tu t’ ’e’ truvata
               nun è na pupata,
     e ll’uocchie celeste nun tene?
                         Che fa?
                         Si ’a vuo’ bene?

Sarrà dispettosa o crudela,
                         gelosa,
                         scuntrosa…
Sarrà chi sa che, pe chi ’a guarda…
               Ma che te riguarda,
                    si è tutto pe te?