Chesta paggena è stata leggiuta du' vote e mo è fernuta.
40
canzone nove
Abbrile addora — e vuie site addurosa!
D’’e ruselle nuvelle Abbrile è ’o mese,
e ’a vocca vosta è na rusella nfosa!
E ’o core vuosto è tìennero e mullese!
Marzo v’ha dipingiuta cuntignosa:
Abbrile v’ha dda fa’ doce e curtese!..
E ’o coro ha dda di’: — «Bella!
Cchiù bella ’e tant’ate!
Scusate,
e cumpatite
chesta serenatella…»
E tu, luna serena,
luna doce e gentile,
tu falla ntenerì…
Stammo int’Abbrile!…
