Chesta paggena è stata leggiuta du' vote e mo è fernuta.
99
ariette nove
Aspetta ’a primmavera.....
Aspetta ’a primmavera.
Aspetta ca stu velo
scuro d’ ’o vierno nu se vede cchiù.
Aspetta. Aspetta
na jurnata sincera,
n’at’aria, n’ata luce e n’ato cielo…
(E ’a bella primmavera
addurosa, è bbenuta —
ma pe tant’ata gente e no’ pe mme.
E, ’o ssoleto, è passata,
fresca, priata,
allera —
e fermata nun s’è: se n’è fuiuta…).
