Paggena:Canzone e Ariette nove.djvu/107

'A Wikisource.
Jump to navigation Jump to search
Chesta paggena è stata leggiuta du' vote e mo è fernuta.
97
ariette nove

          E cammino… E mme pare
               ca no: ca staie ntanato
               dint’a nu pertusillo
               ’e nu spicolo ’e muro…
                    O, chi sa, si’ sagliuto
     ncopp’a na petturata ’e na fenesta,
          e te si’ annascunnuto
          mmiez’a na testa ’aruta
               e n’ata testa…
.   .   .   .   .   .   .   .   .   .   .   .   .   .   .   .   
Sera ’e settembre — luna settembrina,
     ca int’ ’e nnuvole nere
     t’arravuoglie e te sbruoglie,
          e ’a parte d’ ’a marina
          mo faie luce e mo no —
               silenzio, nfuso
          quase ’a ll’ummedità —
               strata addurmuta,
          (ca cchiù scura e sulagna
               quase s’è fatta mo,
               e ca sento addurà
          comm’ addorano ’e sera
          cierti strate ’e campagna) —