Chesta paggena nun è stata leggiuta.
— 85 —
L’OMBRA.
Vuò trasì dint’a chistu core
pure tu? Chi t’ ’ha cunzigliato,
Bionda? E ’a gente t’ha ditto niente?
Nun t’ha ditto ch’ abbandunato,
senza fede nè sentimente,
manco sape si campa o more?...
Si’ de fora. Forse te preme
’st’ aria ’e Napule, ’a luna, ’o mare,
’sti chitarre, chesti canzone,
’sti sserate passate nzieme,
’sti pparole ca dico e pare...
pare ca moro 'e passione...
Ma si quanno te parlo... e Atnmore
te fa nchiudere ’st’ uocchie blu...;
si te chiammo ’ncopp’ a 'stu core,
e tu viene,... e me vase..., e comme,
nun ’o ssiente ca sbaglio nomme?
nun ’o siente ’stu nomme... tu?
