mentre s’ aspetta 'a Benediziona,
cu ir organo ca sona,
luce, fra cere e ncienzio, ’o Sacramento.
E trase e ghiesce, ’a dint’ ’a Sagrestia,
cumm’ ’a ffila ’e furmicule, ata gente:
e chi se ferma nnanz’ ’a screvania,
pe ffa dì quacche messa ’a nu parente;
e chi caccia ’o dì solde c’ o libretto
p’ ’a firma d’’a « semman’ ’e II’ Abbetino »
Veco ’a nu richiamato d'’o Distretto,
cu ’a lent’ ’a ll’ uocchie, ’e pile janche 'nfaccia,
cu ’a mugliera vicino
cu nu figlio p’ ’a mano e n’ ato mbraccia.
Chi guarda, appesa ’o muro, na giacchetta,
na giacchett’ ’e surdato,
c’ ’o pietto spertusato
da na pali’ ’e scuppetta.
E appiso ce sta scritto:
« Carotenuto Alfonzo
invocando la Ver gene fu sarvo ’.
Quacche femmena chiagne... N’ ata... E n’ ata:
s’ è già furmata na prucessiona
nnanz’ ’a Cappella addò sta cunzacrata
’a Madonna ’nperzona...
Arde ’a Cappella p’ ’o calore e ’e cere.
Veco sti mmure, attuorno, cummigliate
’e ritratte ’e surdate:
guardie ’e finanza, muzze, bersagliere...
E ognuno ’e lloro tene ’a sora o a mamma
