Chesta paggena nun è stata leggiuta.
— 70 —
NATALE.
Dicembre. E ch’ aria 'e neve stammatina I
P’ a senga d’ ’o barcone d’ 'a cucina,
’stu fummo ’e sarcenelle, eh' ha mettute,
mamma ncopp’ ’o vrasiere, è tal' e quale
a T addore d’ ’e ppigne abbrustulute
dint’ 'e ssere ’e Natale!
Ma che silenzio, st’ anno ’int’ ’o curtile l
lo nun te sento cchiù, canto gentile
’e figliola ’e rimpetto! Nun te spasse
cchiù c’ 'o canario, ogne matina! Mesta,
vestuta nera, cumme a n’ ombra, passe,
pe’ dereto ’a fenesta!
Dicembre. E nun ce vene ’o zampugnaro!
Lle manca ’o figlio pe’ ciaramellaro:
F unico bene p’ isso e p’ ’a campagna!
Che parte a ffa’? Se guarda, appes’ ’o muro,
dint’ ’o pagliaro, ’a zappa... E aspetta, e chiagne,
c’ ’o core, scuro scuro!
