. Ma ’o giuvinotto nun turnaie cumm’ era
primm’ ’e parti, cu chella brutta céra
d' ’o malandrino. E ’o guardaporta affianco
— n’ommo ch’ ’o munno ’o sape e t’ ’o ragiona —
’a facett’ isso ’sta rifless'iona:
dicette, dice: « ha fatto un mutamento
ch’ è stato... cumme fosse... un cambiamento... »
E Ile truvaie cchiù ’e nu capillo janco!...
’O ccert’ è: ca partette ammanettato
mmiez’ ’e carabbiniere,
e mo turnava ardente e ’ntusiasmato,
e diceva: « ch’ ’a vita nun è niente
quanno si deve fare il suo dovere».
LP uocchie le s’ appannaino sulamente
quann’ ’a mamma parlaie d’ ’o «vaglia» e’a «lettera»
d’ ’o culunnello, addò steva ’a nutizia:
« ca vosto figlio ha avuta una ferita, »
« si è cumpurtato bene, e queste poi, »
« cumme sussirio mio particulare, »
« so’ cciente lire ch’ io rialo a voi. »
(L’unico premio onesto, sti denare,
arrasecanno, onestamente, ’a vita 1)
Mo, a ccore tuttuquante
dicevano: « Ogge ascimmo pe’ Tuleto
p’ ’a dimustrazìona militare 1
’O figlio marcia avante,
’a mamma arreto,
e tutte ll’ ate attuorno:
Vivòoo!... »
