Chesta paggena nun è stata leggiuta.
— 30 —
POPOLO... PO’...
For’ ’e llogge addurose ’e mellone,
lampiuncielle e garselle appicciate,
mo ch’è ’o tiempo d’’e belli canzone,
comm’apprimma ve voglio vedè...
Napule, — n’ora ’e gusto e ciente ’e guaie,
bella città! —
ride, ce veve ’a coppa e campa assaie,
ca ll’aria ’o ddà!
Stasera, cu ’a figliola che ce attocca,
popolo... po’...
a musso a musso, azzicco azzicco, oi vocca,
tu che ne vuò?!
Sport’ ’e fiche cu ’e giglie annuccate,
bancarelle ’e nanasse addurose,
maruzzare cu ’e vvoce ntunate,
nuie vulimmo vederve e senti...
