Chesta paggena nun è stata leggiuta.
— 100 —
AH! SI PUTESSE...
chiagnere ancora si na « stesa » sento
pe’ IT aria calma ’e na serata 'e Lunal
Turnà a vint’ anne..., credere a mmumento
d’esserme nnammurato ’e quaccheduna,
chiagnere ancora si na «stesa» sento...
Ma tutt’ ’e ssere, scunfidato e stanco,
cu nu giurnale a ffianco,
dormo, prufondamente!
Si’ stata tu!
Tu ca mo nun me cure
e te ne ride, tu...
pecchè tu sai ca t’odio, ma sai pure
ca niente,... niente me fa senzo cchiù!
Ma dimme: cumme fai p’essere sempe
giovene, e sempe amante, e sempe amata?
Si na vita te stanca, nun dài tiempe,
e n’accummience n’ata,... n’ata... e n'ata...
sempe cchiù fresca, e bionda, e bella, sempe!
