carcassa? Signorina mia, avite da sapè che a lo pontone de lo vicolo nce sta no levamacchie, amico mio stretto, che ttene tutte li bone qualità, e tira ll’ aute sui sempe disperato, pe la ragione che ttutto citello che s’abbusca se lo gghietta dinto a la vòzzola!.. Mo che ssimmo passate, chiagneva, perchè non tenenno fatica da la jornata'de jere steva co la trippa at primo offerente; ossia diuno in palicchibus. Io guardannolo, ve dico la verità, m’aggio ntiso spartere lo capo masto co tutte li guarzune, ossia lo core co tutte i suoi appennetori; che aggio fatto? na ^pensata da ver’omino dabbene: cchiù ncoppa nce sta la taverna; no guaglione tanno aveva posato no piatto, co ccierto brodo de fasule co ll’ uoglio, bello denzo denzo; a^gio pigliato lesto chillo piatto e... perepunchete, l’aggio jettato ncoppa a la sciammeria che pportava ncuollo sto signore.
Con. Uh i che te venca no discenzo 1
Cor. E perchè far ciò?
Pul. Non m* avite piscato? (a Cuo.') dille tu chello eh’ è ssucciesso.
Cuo. Co la sciammeria tutta fetente d’uoglio, aggio avuto da correre da lo levamaccbie pe mme là fa pulizzà, e cchillo a stiento ha voluto duje carrine anticepate.
Pul. Avite ntiso? accossì chiilo poverommo co li duje carrine magna stammatina e mme ne manna benedeziune.
Cos. Co la rroba mia che s' è nchiaccata!
Le donne. Ab, ah, ah!
Pul. Eh! a sto munno non ciavimmo da sta comm’a ccetròla! vi mo comme staje bello maneche ncammlsa, frisco frìsco.
