ne voglio ire dà chella casa, per fargli conoscere che l’uomo onorato da se stesso si viliappende in tutte le conciosiasicosacchè delle nmane cofecchiazioni!
Eli. Ah, ah, ah! quanta spropuosete!
Pul. Signò; v’ aggio ditto non redite ca l’affare è sserio! ecco cca; me ne so gghiuto da la casa de lo patrone, peggio pe isso! Addò trova n’ auto criato comme a mme che ffaceva sta sempe la dispenza pulita? addò combina no màzzeco tanto sperimentato che non faceva fa mqje la perimma a li maccarune, e mmiezo cantaro de vermecielle lì ffaceva campa no cchiu de quatte juorne?
Eli. Oh! quanto sì aggraziato! no, mo che cchillo puorco de D. Lorenzo te nn’ ha cacciato.*.
Pul. No momento: nisciuno mme n’ ha cacciato; so stato io che mme ne so gghiutò, di mia Ultima volontà: si è ppe D. Lorenzo, sta fora da quatto juorne; si è ppe D. Pangrazio ancora me starrà aspettanno, perchè m’ha manuato a accattà no grano de franfellicche pe lo guaglione^ e cco sto pretesto me ir aggio allippata.
Eli. Ma nzomma che t’hanno fatto?
Pul. Sè, na mezade quatto! D. Pangrazio mm’ha chiammato ciuccio!
Eli. Uh! e ppe cchesto...
Pul. Mme faccio maraveglia! chiammarme ciuccio... a mme! m’avesse ditto bestia, vi tanto quanto, perchè la cosa era ambìcquara, e io non sapeva a equa razza de bestie me volevano destinà... ma qualificarla! darme quattro piedi e lo sciosciamosche al confine!. assoggettarmi a essere ferrato!.; signò, signò, so ccose che non se ponno pappa!
