pate de porta masciate.. io sonc’ommo de carretta... de carattere e voglio essere ri* sporpato.. e voglio essere rispettato.
Mar. Gnò, gnò: chella pazzea, non ve ne pigliate...
SCENA ni.
Carldccio e detti, indi Pangrazio e Bernardo.
Car. (ad Agata premuroso) Signorina, signorina, site arrovinata; sta venenno lo padrone co no campaguuolo vestuto ricco; avrà dda essere lo sposo.
Ans. Uh! mmammeta... uh mmalora!
Aga. Bene mio!., bene mio!
Col. E ffritto lo ffegato!
Mar. E ba arrepara sta lava mo.
Ans. Zi, zi, non ve schiattate... non ve schiantate cca stonco io pe buje. Non ce perdimmo de contaggio.. de coraggio.. Appena arriva sto campomìlla.. sto campagnuolo ricco; e nnuje cecammo.. cercammo tutte quante de friere.. de fingere.. Basta, venite co mmico, ca pensarraggio a la forca generale... a la fortuna generale. (entra nella porta a sinistra)
Aga. Mariella mia.
Mar. Coraggio e pprontezza d’animo.
Col. Tenimmo chili’ ommo co nnuje e non c è dda temè, perchè D. Anseimo è pprofessore antico.
Mar. Dàlie co sta lengua. (entrano appresso)
(Pangrazio con tutta giovialità introduce Bernardo dalla porta di mezzo)
Pan. Trase, trase Bernardo mio; trase srnza soggezione.
