Cio. Ah sì, aggio sbagliato. E cosi?
Pan. Comme vuje volite.
Cio. Diamo adesso principio a li primme addimmanne casarecce.
Gir. Io vi lascio. (per andare)
Cio. No, no, statte tu pure. (sedendo con vezzo) Se tratta che avimmo da legarci entrambi in dolce consorzio.
Pan. (Misericordia! vero sassofrasso) (a Giro.)
Gir. Hai ragione, ma a riguardo...
Pan. (De la mbrumma, s’ ammoccia e zitto.)
Cio. f a Pan.) Quanti anni avete?
Pan. 44.
Cio. No, no, è buscia, vuje avite passato lo miezo gliuommero; ma non fìnge, perchè mme piacite assaje e.. (con vezzo) jatevenne comme mme tenite mente azzeccuso.
Pan. (D. Girò Assafetida!)
Gir. (Pazienza!)
Pan. E voi quanti anni avete se è lecito?
Cio. Io non ho finito li 37 anne.
Pan. Veramente? io ve faceva a lo manco de 89 anne.
Cio. Arrassnsia! che spuonolo ve facite ascire da la vocca! si v* avesse da dicere na cosa, ancora aggio da mettere la mola de lo sinneco.
Pan. E non potrà spontà perchè la carna è fresca. (D. Girò, D. Girò...)
Gir. (Ricordati che...)
Pan. (Hai ragione la sfrantummazzione mme fa mbarcà pe Civitavecchia.)
Cio. Oh! facciamo i nostri patti; ti parlo in presenzia dell' amico Girolamo, acciò in seguito non facimmo zerepelle. Io te voglio, tu mme vuoje e va buono, una cosa, tiene le recchie spelate?
