Paggena:'n Paraviso - Ferdinando Russo - 1892.djvu/59

'A Wikisource.
Chesta paggena è stata leggiuta du' vote e mo è fernuta.
— 57 —


Zitta, zì, parla cchiù zitta!
Ca si no, povero a mme!)
E vutannome a lu Santo:
— Nce ne jammo, neh san Piè?

— Si te pare, bello mio!…
Viene ’a ccà, pe ccà s’accorcia…
Va, salutala… Fa priesto!
Me fai tènere sta torcia!

E avanzanno ’o pede, jeva
murmuranno: — Torcia ’e cera!
Vì che scicco cannelotto!
Guè, so’ tutte ’e na manera!