Chesta paggena è stata leggiuta du' vote e mo è fernuta.
— 46 —
— Ccà se fa ches to d’ ’a matina ’a sera,
diceva, seguitanno ’o Guardaporta
Bellezza mia nun c’è sciorta cchiu nera!
Siente a frateto tuio ch’é meglio ’a morta!
Quanno avimmo tenuto ’a mala sorta,
che nce vuò fa? Se fa comme facc’io…
Io m’ ’a voto a libbretto. Che me mporta!
Me so ’mparato a dì: Lassa fa a Ddio!
Nun te può fa manco na parlatella
cu quacche Ssanta femmena! È peccato!
Ccà se sta comm’a ddinto a na cappella:
li ffemmene ’a nu lato e nuie ’a n’ato.
’E visto maie a nu cane arraggiato?
Vide a me, vide a isso. ’O fatto e chisto.
Quanno sto cchiù d’ ’o ssoleto abbuttato
me ne vaco a sfucà cu Giesù Cristo!
