Chesta paggena è stata leggiuta du' vote e mo è fernuta.
— 37 —
Ditto nfatto cumannaie
ca san Marco fosse juto
fora ’e mmura addu san Pietro
pe vedè de darle ajuto.
Ma san Marco appaurato
rispunnette: Comm’’e ditto?
Che nce stongo sultant’io?
Manna a Ciro, a Beneditto,
a Pascale Baylonne,
a san Giorgio, a sant’Antuono…
Iusto a mme te sì ddiretto?
Pat’ Etè, quanto si’ bbuono!
Tu sta vota nun me cuoglie!
T’’e scurdata ’a storia vecchia?
Io po vaco, faccio ’o guappo
e nce perdo n’ata recchia!
