Chesta paggena è stata leggiuta du' vote e mo è fernuta.
— 34 —
So’ ppresente!
A ppoco a ppoco
se passaie ’o centenaro.
Nce trasette na mudista,
’o cecato, nu craparo,
’o guaglione che chiagneva,
na capera, nu fuchista,
’a famiglia ’e n’ugliararo,
nu scrivano e nu marmista.
’O chianchiere, che pareva
nu tantillo malandrino,
cu ’e ddoje mane annascunnute
sotta sott’’o mantesino,
ogne ttanto aizava ’a capa,
aspettannose ’a chiammata,
e guardànnose a san Pietro
cu na mossa ammartenata.
E sentenno finalmente
doppo n’ato paro d’ore
da san Pietro ’o nomme suio:
— Nu chianchiere! Salvatore!
