Chesta paggena è stata leggiuta du' vote e mo è fernuta.
— 30 —
Pace, pace, amice mieje!
Sante e sante nun sta bbene!
Site surde? E datevelle,
ccà nisciuno ve mantene!
E vutanno ’e spalle, steva
quase pe se nne turnà,
quanno Ddio, da copp’’a loggia
s’appennette p’’o chiammà.
― Guardapò! di’ a chisti duie
ca è ccuntrora e nun s’allucca!
Mo’ aggio avuto na canesta,
m’ha mannata ’a Croce ’e Lucca!
Songo cierti sfugliatelle...
Quann’è ogge ch’’e spartimmo,
di’ a sti guappe, ’a parta mia,
ca ccà guappe ’un ne vulimmo!
