Chesta paggena è stata leggiuta du' vote e mo è fernuta.
IV.
’E FATTARIELLE
S’assettaie vicino ’o puorco,
e già steva accummencianno,
quann’arriva ’o Guardaporte
cu na cosa int’a nu panno.
— Vino, pane, ’a fellatella,
tutta rrobba pe mmagnà…
E vedenno a lu Rumito:
— Guè, Toto, tu staie ccà?
— Sto cuntanno a stu signore
quacche fatto d’’o paese…
Viene, assèttate tu pure,
jammoncenne! A grand’imprese!
