Chesta paggena è stata leggiuta du' vote e mo è fernuta.
— 16 —
Penzaie pure a nu tiatro
pe nce fa cantà a Gayarre,
niente niente! Cose ’e pazze!
Po’ se dice c’uno sgarre!
Ogne ghiuorno, core mio,
po’ aggia fa nu tiritosto
cu sta ggente ca m’arriva…
Che? Nun è nu bello posto?
Purtinaro! ’E ditto niente!
Embè ’o ccride? ’O manto russo,
chesta chiava dint’’e scianche
e sta bbarba sott’’o musso.
Niente! Manco na livrera!
Ma ched’è, faceva nguacchio
si me deve ’o pumo ’attone
c ’o cappiello c’’o pennacchio?
Che te pare? Aggio raggione?
Siente appriesso: lucre, niente!
Ccà nun pàvano campagna
ccà so’ tutte strapezziente!
