Vicè, mmiez'a stu mare
putimme pazzià
e ciente cose care
te voglio raccuntà.
Dinto a stu vuzzariello
nisciuno vedarrà
si quacche carezziello
i' te vulesse fa.
Mo ca stu mare
nce cunnulea
i' mme recreo
vicino a tte!
Cu sta chitarra,
Vicè, sunammo
e po cantammo:
«'o mare e ba!»
|
'E stelle a una a una
'e sto sentenno 'e dì
ca cchiù bella d''a luna
Vicenza mia tu si.
'O ssape sulo Dio
sentenno chesto cca,
int'a stu core mio
stasera che nce sta.
Mo ca stu mare
nce cunnulea
i' mme recreo
vicino a tte!
Cu sta chitarra,
Vicè, sunammo
e po cantammo:
«'o mare e ba!»
|
|
