Chesta paggena è stata leggiuta du' vote e mo è fernuta.
58
’O “luciano„ d’’o Rre
Ma ’a notte, all’antrasatto, nu remmore
nce mena tutte dint’'a stanza ’o Rre…
Vedennolo, accussì, cu ll’uocchie ’a fore,
l’addimannammo: -"Neh! Maistà… Che r’è?"
"-Llà… llà… chill’ommo… Nu cuspiratore…
Se vuleva accustà… vicino a me…
Da nu spurtiello… dint’'o muro… llà…"
E nui cercàimo… Ma che vuò truvà!
S’era sunnato, e overo se credeva
d’avè vist’uno ca l’assassenava,
quanno ca pe sti suonne che faceva
chell’era ’a malatìa che cammenava!
E chi durmette cchiù?! Nun te veneva!
Arbava juorno e se chiacchiariava….
All’otto, n’ata vota ’a stessa renza!
Nce sentettemo ’a messa, e po’: partenza!
