Paggena:'O Cantastorie.djvu/58

'A Wikisource.
Chesta paggena è stata leggiuta du' vote e mo è fernuta.
— 56 —


XLVI.



— Stasera?... Ma cher'è, nu spusarizzio?...
ch'è, na figliata?... Ch'è, na funzione?...
te so' ttanto ubbricato r''o servizzio,

ma i' frijo e magno!.. 'O Masto nzegna e mpone!..


Me staie facenno tanto 'avucellone,
e che te crire, io nun te levo 'o sfizzio?...
Stateve zitte vuie!... Chillo 'O guaglione
sape ll'uffiggio suio!... Ten' unu vizzio!...


Ma quant'è vvera 'a Mamma 'e Munzerrato,
io nun 'o tocco!... Ll'aggia ri' na cosa...
Guardate ccà... nun stongo manco armato...


Vene na mosca?... Embè, uno n''a caccia!...
Sarrìa na cosa overo curiosa
si tu, a na mosca, lle ntaccasse 'a faccia!...