Chesta paggena è stata leggiuta du' vote e mo è fernuta.
— 27 —
XVII.
“Trasite 'a rinto, ca 'o bicchiere è buone,
e 'a cantenera è meglia d''o bbicchiere!
Appicciate nu cippo a Sant'Antuone,
ca 'o fatto, si se conta, nun se crere!
Auto che Pazzariello a cante e a suone!
Ccà tutt''a rrobba, è geniale overe!
'A carnacotta, 'o cèfaro, 'o mazzone...
Chesta è 'a meglia cantina r''o quartiere!
Ma c'hanno fatto? 'A dimustrazzione?
Teh! Guardate che folla nnanzo lloco!
S'è arrevutato tutto 'o Casalone!...
Zitte, ca nce trasite a poco a poco!...
E quanno state nfaccia 'o maccarone,
m'avite 'a fa 'a finezza 'e vasà 'o cuoco!„
