Paggena:'O Cantastorie.djvu/22

'A Wikisource.
Chesta paggena è stata leggiuta du' vote e mo è fernuta.
— 20 —



X.


Magnammo, guvernammo sti cavalle,
e doppo po', parlate 'e chi vulite!...
Mo' m'accattasse na sporta 'e taralle
e 'a sbacantasse mentre vuie chiagnite!...

Dice Linardo: — E addò truvammo 'e stalle?
Addò, na cantenella?... I' comme site
gentile!... Avite fatte 'e ffacce gialle!....
Iammo nnanza!... Ma scuorno ne tenite?

Curaggio!... 'A primma frasca ca truvammo,
scennimmo e nce magnammo na cusetta!
Mò è tiempo 'e cammenà!... Va, cammenammo!

'A strata è chesta, e nun ce stanno viche!...
Stanno ancora 'o pprincipio e nce lagnammo?
Simmo, o nun simmo cavaliere antiche?!...